La Fleur (已搬遷) 新店位置

聽聞此店老闆原本係soho區某法國菜店打工的, 後來自己出左來開鋪, 就去試下啦!!電話訂位時男人接聽, 唔太nice, 無一般應有的禮貌, 到左當日6點半來到, 果然只得2個男侍應(定老闆?), 我和太座坐了一張4人檯, 食到8點幾時已經full house...先來一客'一舊舊'熱辣辣的法包, 果然有法國風味,另我地叫左一個幾多份量的seafood platter(有2份半邊龍蝦,4隻生蠔, 2隻cherrystone, 2隻普通大蜆. 2隻翡翠螺, 4隻凍蝦), 另外因唔夠喉再叫左4隻法國蠔, 都算不錯!!只叫一個set dinner, 有菜湯,法式田螺焗薯蓉, 主菜要鵝肝牛柳, 牛柳要7成, 但上碟只有5-6成左右(因為隻碟亦唔熱,不足以熱力熱至7成), 廚師功力唔夠!!再散叫一份duck leg confit(油封鴨腿)試一試, 都算不錯, 不過不喜歡臘鴨味道的千萬不要試啦!!其實食物都尚算不俗, 但睇來做熟客生意居多, 因侍應好cool,我地就感覺不到那份bistro的溫暖...