炭家 (已結業)

Item: 炭家
Rating: 4
Author: Aikoluvcats

Sumiya

4.5

183 食評

味道

環境

服務

衛生

抵食

9981

中環

$201-400

日本菜串燒

157

Aikoluvcats

等級4

266

今日小編突然好想食鰻魚飯，唸起呢間號稱最貼近日本鰻魚飯水準，就決定一戰。中午時段中環仍然非常多人雖然政府鼓勵公司奉行WFH，但觀乎GOUGH STREET一帶仍然人頭湧湧，似乎仍然有好多公司都因為不同原因繼續要求員工返工，定還是香港人真係甘鍾意返工呢？ EVEN可以WFH都寧願返工，唔想坐O系屋企。小編認為可以PARTIALLY WFH特別唔好O系早上返工，人多車更多。

好啦，講返正題啦，今日唔知點解抽起條筋好掛住蓬萊軒既鰻魚飯呀，醒起呢度新開又標榜自己用日本材料日本空運新鮮鰻魚。當然小編一定要黎探下究竟啦。中午大約12：45到達，正系食飯既黃金繁忙時段。經過SUMIYA同集團既拉麵店左銀，條隊呢嚇到你死，完全冇曬食慾。小編都好擔心冇訂枱既我會唔會都一樣被拒之門外呢？一去到SUMIYA門口見到冇人排梗都放心D，話曬一個LUNCH盛惠462，確實令唔少人卻步既。正因如此，小編EVEN冇BOOK都有位，但坐低一陣已經有6，7位乘客都係walk in入黎，似乎下次都係BOOK定位好D啦。

一坐低其實都唔需要睇MENU，已經決定食白燒，因為多數食蒲燒EVEN O係日本都係蒲燒多，反而白燒真係為試過。大約等左5分鐘就上左D前菜比我食住先。雖然小編唔LIKE任何生菜沙律物體，但呢碟沙律都唔錯，菜好新鮮，D汁好開胃，仲有個鰻魚啫喱真係好好味道，有少少去左日本食野既感覺既。再等大約8分鐘我碗鰻重就到啦，一眼睇點解甘似蒲燒既？同埋點解職員冇比碟鰻魚醬汁我既？都費事理甘多，打算相機食先，真係食既時候至問佢地拎翻碟醬汁啦。點知影完相之後個職員過黎問我係咪ORDER左白燒，我話係呀，佢就拎翻碗飯走，然後遞翻去出面BAR枱個男客人，我真係O曬嘴，家陣疫情甘樣，竟然犯呢D甘嚴重既錯，好彩碗野唔係我渣。我登個哥哥仔慘，不過你放心，小編我唔係隱形傳播者黎既應該。但餐廳呢方面真心要小心處理。如果當時職員有講聲話呢個系蒲燒鰻魚飯，甘我當然會即刻話翻比佢聽:我點既係白燒WOR，但個職員咩都冇講，就甘擺碗飯O系度，我又係第一次食當然唔清楚其實白燒同蒲燒既外貌係咪差唔多。之後出現我既白燒鰻魚飯確實同蒲燒唔係太大分別，如果第一次食真係未必識得分。

好啦，講翻碗白燒鰻魚飯先，首先小編叫左超少飯仍然好多飯，第二，條鰻魚燒得唔夠脆，鰻魚本身肉唔算後，或者下次食翻蒲燒好D。第三，就係有少少苦澀味，之前都有一篇食評講過呢個問題，職員表示就係炭既問題，但呢個苦澀味小編覺得可以接受既。最正都係個鰻魚醬汁，冇左佢真係食唔曬甘多飯。

總括而言，同意鰻魚質素高，師傅都係有料到既，不過可惜香港氣候同日本確實好大分別，變左掌握室內溫度，濕度等等呢D都會影響食物處出黎既效果明顯師傅未必100%掌握到。相比起蓬萊軒，呢度大約接近佢地既6成啦。而最令小編討厭既就係佢鋪O系鰻魚底下既蛋絲，頓時令成個鰻魚重CHEAP曬甘樣！真係扣曬分。其他既唔錯，特別係有個後生靚仔哥哥好有HEART介紹D食物比你，又NICE，年輕人好少做野甘有HEART！所以420+1服務費絕對比得開心！

請堅持唔好降低價格去遷就食客，好既食材，人才就係需要付出相應既金錢去換取。切勿將貨就價呀！你地既TARGET MARKET消費群眾一定唔會系普通打工仔，所以EVEN你將價錢DOWNGRADE去吸引食客，最終換黎既只係打工仔仍然唔捨得食一碗超過200既鰻魚飯，但真正喜愛食物既人享受食物既人又會嫌你地低不成高不就。記得keep住現有顧客，哪怕冇人欣賞吖！加油！再者，其實O系名古屋蓬萊軒食個特上鰻重都盛惠4000YEN折合港幣AROUND 3百元，所以呢其實呢度收你420一碗鰻魚飯一D都唔過分。

喜歡名古屋蓬萊軒既朋友，一定要黎試試！雖然未到70%似，但起碼系暫時香港最好味道既鰻魚飯（小編從來唔會用性價比去JUDGE個食物好唔好食！）