茶木‧台式休閒餐廳 (已結業)

去完係旺角嘅Snaparty 自拍館玩得好開心，例牌去左茶木食台灣野好多人，要等45分鐘。問侍應，幾時先冇咁多人，佢話下午12:00剛剛開鋪先冇人，其他時間直到凌晨2點都係人山人海!我同朋友叫了晚餐台式真係幾好食，大部分人都會叫蚵仔煎，我地叫「沙茶牛小排」同「慢煮味淋豬腳」，大概是五十幾蚊，加26蚊就可以加特飲柚子冰再加飯再加一個蛋糕，個蛋糕賣相係好吸引!餐單其實係好靚的一本書，感覺好好。環境裝修都係一流嘅。咁但係我哋都等左幾耐，等佢等左20分鐘就有野食啦! 我哋一開始都唔知咩叫牛小排，之後就發現原來係牛仔骨..... 淋豬腳幾淋，就是唔算太大份，屬於中型，岩女仔唔岩男仔。食完之後都過得開心，最後仲加左個「芒果嘅蜜糖磚」三層嘅，等咗二十分鐘，上面個雪糕真係好好味!我的朋友話雪糕係咪緊鋪頭自己整架，真係不錯。雪糕從上面林落去啲麵包度。好味的係泰國度都食過類似的，但係香港就第一次食，覺得個感覺系幾好既個人嚟講呢呢呢間餐廳值九分，美中不足係要等到太耐，野食耐，同埋排隊耐。SNAPARTY + 茶木，滿足的一天!