Mango X'press (已結業)

今日路經尖沙咀厚褔街，見到有2隻芒果大公仔掛係間店鋪，行埋去睇原來係一間專賣特色飲品店。叫Mango X'press。見到餐牌有炸雞。買咗一份醫吓個肚。一碗有5粒5蚊雞大嘅炸雞，炸雞面鋪咗一層芒果醬汁。脆脆外皮加上芒果汁嘅甜酸味。令到炸雞味道特別，唔會有漏嘅感覺。肉質亦唔會炸到鞋晒。好軟好唸。食完炸雞，當然要買2杯飲品啦！芒果雪糕棉棉冰。好大杯呀！芒果雪糕嘅芒果味濃郁，係用台灣嘅愛文芒果做的。(睇店鋪介紹)棉棉冰加上西米，芒果肉，芒果雪糕、爆珠、另外仲有一種配料, 煙煙unun, 口感豊富, 簡直正爆。藍碟芒果露, 係新產品, 紫紫黃黃的. 有藍碟花，奇亞籽，梳打水，檸檬汁，芒果汁由於藍碟花第一次聽. 睇介紹好似幾有益. 所以試吓. 飲落好似有d薄荷味. 但芒果味比較濃, 又唔係太甜. 因為有奇亞籽. 所以有d咬口感. 都幾透心涼. 直得一試的.