影片
更多
2019-12-23
50 瀏覽
臨近聖誕緊係要食好嘢啦，之前多數食buffet有啲悶，食嚟食去都係嗰啲，加上自己食力又差，唔著數。今年就特別啲，去咗饒宗頤文化館嘅《悅滿軒》，吓？個名咁中式嘅？聖誕節食中餐？其實係食法國菜㗎。饒宗頤文化館位置係偏咗少少，不過入到去都唔少食客，以為好穩世，其實只係自己唔識食。餐廳裝潢似一間屋仔咁，白色牆身加上聖誕佈置，播放住聖誕歌曲，好有節日氣氛。意大利麵包溫熱鬆軟，冬天食即時暖笠笠。【法國泥蟹湯$78】法國泥蟹肉、白蘭地忌廉、法蔥，蟹味好濃，真係精華嚟。加咗忌廉口感軟滑，蟹肉鮮美，真材實料，好想encore飲多碗，必點之選。【香煎鵝肝配鵝肝批無花果芒果莎莎$128】法國鵝肝油脂豐富，一切落去「咇」緊油，食落滿口油香。配無花果芒果莎莎，鮮甜芒果味同鵝肝又幾夾。另外似棋子餅嘅係凍鵝肝批，鵝肝味更重，口感棉滑。一熱一凍配搭特別。【法國油封鴨配焦糖蘋果$228】油封鴨脾，鴨皮香脆，鴨肉嫩滑又Juicy。配焦糖蘋果粒同提子乾，豐富味道之餘仲減低膩感。【美國頂級牛腹肉12安士$298】切成一件件，方便食用。餐廳特別選用天然牛肉，無激素、抗生素。肉質嫩滑、肉汁豐富、牛味
饒宗頤文化館位置係偏咗少少，不過入到去都唔少食客，以為好穩世，其實只係自己唔識食。餐廳裝潢似一間屋仔咁，白色牆身加上聖誕佈置，播放住聖誕歌曲，好有節日氣氛。
意大利麵包溫熱鬆軟，冬天食即時暖笠笠。
【法國泥蟹湯$78】
法國泥蟹肉、白蘭地忌廉、法蔥，蟹味好濃，真係精華嚟。加咗忌廉口感軟滑，蟹肉鮮美，真材實料，好想encore飲多碗，必點之選。
【香煎鵝肝配鵝肝批無花果芒果莎莎$128】
法國鵝肝油脂豐富，一切落去「咇」緊油，食落滿口油香。配無花果芒果莎莎，鮮甜芒果味同鵝肝又幾夾。另外似棋子餅嘅係凍鵝肝批，鵝肝味更重，口感棉滑。一熱一凍配搭特別。
【法國油封鴨配焦糖蘋果$228】
油封鴨脾，鴨皮香脆，鴨肉嫩滑又Juicy。配焦糖蘋果粒同提子乾，豐富味道之餘仲減低膩感。
【美國頂級牛腹肉12安士$298】切成一件件，方便食用。餐廳特別選用天然牛肉，無激素、抗生素。肉質嫩滑、肉汁豐富、牛味濃郁、脂肪比例較低，健康啲。配咗兩款汁，阿根廷青醬，味道清香；意大利青胡椒汁就少少惹味嘅香辣。
【阿拉斯加焗雪山$88】每次見到餐牌有都叫點，落酒精後點火，好靚～仲即刻聞到香味。蛋白輕盈，下一層係鬆脆朱古力蛋糕，核心係雲尼拿雪糕，甜而不膩又好味，雪白嘅蛋白好有聖誕feel。完美嘅聖誕大餐！
張貼
