影片
更多
2021-10-13
450 瀏覽
自從屯馬線通車之後，對於鍾意周圍搵嘢食嘅我哋真係方便好多。聽朋友講，土瓜灣開咗間質素唔錯嘅日本餐廳 夢之丼，既然冇得去旅行，就用把嘴嚟醫我嘅思鄉病啦😆因為平時我哋都好少過嚟土瓜灣行街，本來由港鐵過嚟幾分鐘嘅路程，點知比 #Google神 點我哋到兜咗個大圈先到，好彩無比人取消booking啫🤪 好神奇地我哋坐低無幾耐，食物已經陸續送上，原來朋友仔一早已經喺網上安排好晒…相比起我對人就顯得好無心肝囉👉🏻👈🏻 不過事實証明一凹一凸嘅人先可以做好朋友嘅🤣 不過我好好奇點解佢只係叫咗個一人餐呢？後來食落先知道呢個一人餐份量都唔少，前後加埋有10道菜，#前菜、#炸物、#熟食、#刺身 樣樣有齊😉 前菜分別有 #枝豆、#炸雞軟骨，同 #鴨胸沙律，真係冇諗過日式餐廳都可以食到咁美味嘅鴨胸，配埋特製嘅酸甜醬汁同沙律菜搵埋，入口感覺都幾清新🤤 至於主食，我會推薦大家試吓佢哋嘅軟殼蟹、雜菜天婦羅🍤 軟殼蟹帶有蟹膏，食落口特別有種海鮮嘅香味散發出嚟🤤 而串燒🍢嘅火喉亦控制得非常之好，鰻魚串燒肥嘟嘟，魚油嘅香味慢慢浸入嘴巴🤤 仲有佢哋嘅蟹膏豆腐嘅香味更係令人一試難忘… 如果你自問唔係太大食嘅話，其實兩個人sha
因為平時我哋都好少過嚟土瓜灣行街，本來由港鐵過嚟幾分鐘嘅路程，點知比 #Google神 點我哋到兜咗個大圈先到，好彩無比人取消booking啫🤪 好神奇地我哋坐低無幾耐，食物已經陸續送上，原來朋友仔一早已經喺網上安排好晒…相比起我對人就顯得好無心肝囉👉🏻👈🏻 不過事實証明一凹一凸嘅人先可以做好朋友嘅🤣
不過我好好奇點解佢只係叫咗個一人餐呢？後來食落先知道呢個一人餐份量都唔少，前後加埋有10道菜，#前菜、#炸物、#熟食、#刺身 樣樣有齊😉 前菜分別有 #枝豆、#炸雞軟骨，同 #鴨胸沙律，真係冇諗過日式餐廳都可以食到咁美味嘅鴨胸，配埋特製嘅酸甜醬汁同沙律菜搵埋，入口感覺都幾清新🤤 至於主食，我會推薦大家試吓佢哋嘅軟殼蟹、雜菜天婦羅🍤 軟殼蟹帶有蟹膏，食落口特別有種海鮮嘅香味散發出嚟🤤 而串燒🍢嘅火喉亦控制得非常之好，鰻魚串燒肥嘟嘟，魚油嘅香味慢慢浸入嘴巴🤤 仲有佢哋嘅蟹膏豆腐嘅香味更係令人一試難忘… 如果你自問唔係太大食嘅話，其實兩個人share一個餐都已經好足夠！不過呢… 我咁為食，見到隔離枱啲生蠔又咁新鮮，點捨得唔叫返幾隻氹吓自己喎😆
由大門行入餐廳，整個佈置都以日系設計為主，而且服務員嘅態度亦都非常友善，真係冇諗過喺我心目中嘅舊區，居然會搵到咁高質嘅餐廳😚 實在有啲喜出望外呀👍🏻👍🏻
張貼
