影片
更多
2006-12-12
19 瀏覽
本來係同一位朋友慶祝生日，但臨時甩底，唯有同兩個朋友照食，以為會好多人，所以已經一早訂定位。去到環境都幾舒適，侍應會問你要凍水定熱水。由於有一位朋友未到，又有小小肚餓，所以先叫一個酸辣雞肉生菜包，比想像中辣，但係係一個唔錯既開胃小食。之後終於齊人，叫左一個生蝦刺生、冬陰公、大泰式拼盤同燒鱔。1) 生蝦刺生：幾新鮮，但個人認為落多左檸檬汁，所以有偏酸，唔係好食到蝦既鮮味；2) 冬陰公：酸辣適中，而且蝦膏好有鮮味，個湯煮得好滑，好易入口；3) 大泰式拼盤：有蝦餅、魚扎、春卷及荷葉包雞，蝦餅最好食，彈牙、爽口又有蝦味，食得出真材實料。一直對魚扎冇乜興趣，覺得不過不失；而春卷都可以，但俾我既感覺好"菜"，唔知入面係乜。本人覺得最差係荷葉包雞，因為好炸得好乾，所以我建議叫個細拼盤已經得，因為冇荷葉包雞。4) 燒鱔：口感不錯，但比較多骨，要小心食。之後，再叫一個泰式炒金邊粉，是酸甜的，炒得乾身，屬肚之用；其後，再叫兩個椰青及芒果黑糯米，芒果黑糯米係全晚最差既，因為好硬，而且芒果冇乜味。收費：$180/Person (只係我地大食，正常唔會食咁多……=P)
去到環境都幾舒適，侍應會問你要凍水定熱水。由於有一位朋友未到，又有小小肚餓，所以先叫一個酸辣雞肉生菜包，比想像中辣，但係係一個唔錯既開胃小食。
之後終於齊人，叫左一個生蝦刺生、冬陰公、大泰式拼盤同燒鱔。
1) 生蝦刺生：幾新鮮，但個人認為落多左檸檬汁，所以有偏酸，唔係好食到蝦既鮮味；
2) 冬陰公：酸辣適中，而且蝦膏好有鮮味，個湯煮得好滑，好易入口；
3) 大泰式拼盤：有蝦餅、魚扎、春卷及荷葉包雞，蝦餅最好食，彈牙、爽口又有蝦味，食得出真材實料。一直對魚扎冇乜興趣，覺得不過不失；而春卷都可以，但俾我既感覺好"菜"，唔知入面係乜。本人覺得最差係荷葉包雞，因為好炸得好乾，所以我建議叫個細拼盤已經得，因為冇荷葉包雞。
4) 燒鱔：口感不錯，但比較多骨，要小心食。
之後，再叫一個泰式炒金邊粉，是酸甜的，炒得乾身，屬肚之用；其後，再叫兩個椰青及芒果黑糯米，芒果黑糯米係全晚最差既，因為好硬，而且芒果冇乜味。
收費：$180/Person (只係我地大食，正常唔會食咁多……=P)
張貼