MGB by Manhattan Grill & Bar (已結業)

觀塘住咗咁耐 尼間餐廳成日都行過經過 今次終於試咗 都真係幾高質 可惜當日生蠔賣晒 係一個遺憾⭐炸海鮮拼盤($158)前菜 有炸蝦 炸魷魚 洋葱圈 同埋薯條 洋葱圈嘅質地外脆內軟 薯條纖幼而脆 仲保留左薯仔皮 所以口感唔錯 如果有炸蠔嘅話就更加好啦 魷魚圈嘅份量就比較少得兩舊 炸蝦正正常常 不過食完即刻覺得自己好熱氣.⭐美國威靈頓牛柳($298)我地叫左五成熟 牛柳嫩滑多汁 唔會好乾 香脆嘅酥皮加埋鮮肉汁感覺一流呀 點咗芥茉同埋秘製醬汁更是錦上添花.⭐焗芝士龍蝦米多伴意大利飯($178)平時食龍蝦會覺得好麻煩 就算開咗邊 都要成舊吉出嚟 好難同人share 但今次龍蝦已經預先整定一粒粒 好方便勁有風味 加埋芝士同燈籠椒去焗 配搭好match 飯分量唔算多 如果男士淨係食呢個main可能唔夠飽 但係每粒飯都充滿着龍蝦鮮味 好正.⭐特濃心太軟配雲呢拿雪糕($72)心太軟撈埋雲呢嗱雪糕一齊食 開頭啲朱古力有啲苦苦地 之後就好有雲呢嗱甜味 有種令人好幸福嘅味道 不過中間唔算太流心 另外如果有人生日嘅話可以要求寫happy birthday .⭐法式蛋白紅莓撻($68) 外表真係好靚 整到好似玫