香蕉仔 (已結業)

黎到見到一間蠔店外面好長龍，哦，原來係排緊出曬名既「香蕉仔」！雖然好長龍，但一場黎到元朗當然照排啦。一邊聽住本地既歌list，一邊欣賞佢地好靚既連儂牆，其實時間好快過。款款都好吸引，最後嗌左兩份煎餅。招牌香港煎餅 ($25)望住店員起勢將啲麵漿、芝士牛油、nutella 等邪惡物質反黎反去，埋埋疊疊，煎到成份野脆卜卜，好似返左去泰國夜市咁咁多肥野炒埋一齊，味道當然就正到升天。本身以為佢會好似西多士咁，質感微微鬆軟、食到啲雞蛋漿咁（我喺泰國食嗰隻係咁），其實佢食落係薄脆餅皮包住多餡😈外圍煎到脆卜卜，有種半煎炸既效果，係邪惡既証明呀！入面係熱辣辣既香蕉蓉！芥末芝士煎餅($25) 同樣好食，入面係識拉芝既芝士。意想唔到芥末同芝士咁夾，搽左上面更惹味，又無咁膩😘記得要搽埋！