影片
更多
2018-03-26
83 瀏覽
小妹一向鍾意食印度菜，只可惜口味重同香料味濃未必人人都鍾意食，難得揾到志同道合嘅朋友就一齊試下依間印度菜館。餐廳內部光亮企理，坐得幾舒服。店內全部侍應都係印度人，食客都係以外國人為主，冇乜香港人幫襯。雖然要同侍應講英文，但餐牌係中英對照，而且有寫明入邊嘅材料係乜嘢，所以都幾方便港人。menu入面菜式種類繁多，所以都揀咗好耐，唔知食咩仲可以問下waiter意見，佢地都好好人會解釋下菜式係點。我地兩個人叫咗一個特製蕯拉維亞套餐($90)。套餐有一碟印度白飯、各式各樣嘅醬料，包括咖喱醬、乳酪、清湯、印度炸餅麥餅同一個甜品。就好似一個迷你自助餐咁，可以揀鍾意嘅醬自己撈飯同薄餅食。個人比較喜歡雜菜扁豆醬同特色印度咖哩，味道濃郁，香料味重，送飯、薄餅一流。朋友就鍾意用乳酪點薄餅食，覺得好清新。鍾意某一樣配料食晒亦可以叫店員再添加。啡色圓形嘅係甜品，好似浸住糖漿嘅蛋糕，味道偏甜。另外我地仲叫咗一個蔬菜咖哩($70)，入面有茅屋芝士、青豆、蘑菇同青椒等等，非常足料。依款咖哩香料味冇咁重，比較適合唔鍾意重口味嘅朋友。特色香料奶茶($25) 有淡淡嘅香料味，而且香滑濃厚，細細杯已經好足夠。雖然係全素宴，但
餐廳內部光亮企理，坐得幾舒服。店內全部侍應都係印度人，食客都係以外國人為主，冇乜香港人幫襯。
雖然要同侍應講英文，但餐牌係中英對照，而且有寫明入邊嘅材料係乜嘢，所以都幾方便港人。menu入面菜式種類繁多，所以都揀咗好耐，唔知食咩仲可以問下waiter意見，佢地都好好人會解釋下菜式係點。我地兩個人叫咗一個特製蕯拉維亞套餐($90)。
套餐有一碟印度白飯、各式各樣嘅醬料，包括咖喱醬、乳酪、清湯、印度炸餅麥餅同一個甜品。就好似一個迷你自助餐咁，可以揀鍾意嘅醬自己撈飯同薄餅食。個人比較喜歡雜菜扁豆醬同特色印度咖哩，味道濃郁，香料味重，送飯、薄餅一流。朋友就鍾意用乳酪點薄餅食，覺得好清新。鍾意某一樣配料食晒亦可以叫店員再添加。啡色圓形嘅係甜品，好似浸住糖漿嘅蛋糕，味道偏甜。
另外我地仲叫咗一個蔬菜咖哩($70)，入面有茅屋芝士、青豆、蘑菇同青椒等等，非常足料。依款咖哩香料味冇咁重，比較適合唔鍾意重口味嘅朋友。
特色香料奶茶($25) 有淡淡嘅香料味，而且香滑濃厚，細細杯已經好足夠。
雖然係全素宴，但我哋都冇為意自己係食緊素，而且食得好飽。食過好多間印度菜呢間算唔錯。
張貼
