南洋麵屋 (已結業)

今日同老婆行經呢間南洋麵屋又咁岩我地都想食喇沙，所以就決定試試!我叫咗豬扒喇沙油麵，一嚟到個份量好大，仲有豆卜同魚片，味道亦都好豐富同好重蝦味，應該用咗好多材料去炮製個湯底。豬扒炸到脆卜卜又有肉汁，店員仲幫我地煎開咗方便share食。老婆就叫咗軟殼蟹喇沙滲滲，即係米粉加油麵。軟殼蟹都唔細隻，亦都係切開幾塊上碟。蟹味好濃同埋炸得爽口!最後我地見到咁多人都叫咖哩加酥餅所以我地都忍唔住，最後叫咗巴東牛肉配酥餅。巴東牛肉炆到好淋好入味，基本上入口已經散哂，牛味亦都相當突出同埋唔痴牙!個汁用嚟加酥餅一齊食真係冇得輸，唔會太辣或太咸，當小食都冇問題!