富城薈

營業中

休息中

呢間酒樓，位於西區，位置唔係响旺區。而且又唔起眼，假期去飲茶，都唔係好多客，所以我對於酒樓嘅出品，冇乜期望。呢次係第一次到來呢間酒樓飲茶。呢次飲茶，一行四人，但係要分兩張枱， 十分唔方便。啲食物同埋點心，唯有分開一半一半，冇法子啦。點心包括有炸乳鴿，牛肉腸粉，牛肉球，蘿蔔糕，煄蹄，胡椒豬肚，豬腳薑，桂花糕，蝦仁伊麵，鯪魚球粥，流沙包，藥膳鳳爪等等。乳鴿，現炸，熱辣辣，口感唔錯。牛肉腸，粉皮比較厚，爭少少。其他各類點心，大至上都唔錯。茶錢好似$7一位，四個人攬住個肚埋單。而且外賣自取出品睇落都唔錯，有乳豬同埋其他出品，乳豬一隻唔使$500。如幸運三寶都係$228。假期都唔使等位，好去處。