鐵牛台灣牛肉麵 (旺角中心第一座) (已結業)

早幾日相約生意拍檔出嚟傾嘢順便食個午飯, 朋友介紹不如去旺角中心地牢食台灣牛肉麵而聞言嘅"鐵牛" 試下啦！我搭好呀！ 糸食評網站睇過都有好多like, 反正我又幾鍾意食豪用就去試下, 試下佢係咪真係咁好味, 午餐我好少食麵, 因為我午餐唔食飯唔夠飽, 所以我嗌咗一個牛腩飯套餐...我個套餐叫做"紅燒牛腩配黃金地瓜飯" 開頭我仲以為黃金地瓜即係炸番薯, 原來係蒸蕃薯冇油炸成份, 我仲叫咗個小食叫逢甲鹽酥雞, 飲品方面叫咗杯熱檸茶！叫餐要去收銀處俾錢, 之後攞張單返埋位, 到餐時有侍應拿套餐過嚟畀你, 唔使自己去拎, 都幾方便！到餐先知道原來我個套餐有另外配咗三個小食畀我, 第一個小食有蘑菇茄黃芽白, 雞個小食係鹵水蛋加酸菜, 第三個配餐嘅小食有蓮藕片, 睇落都幾特別, 我嗰個飯有好多蕃薯配白飯好大碗加埋大大煲煲仔牛腩個底部有白蘿蔔真係好豐富！ 至於另外嗌嗰個小食鹽酥雞 原來係炸雞粒我仲有香葉配襯都幾美觀, 值得一讚係啲牛腩真係炆得好 淋同埋煲飯真係好落足料好大煲, 以後嗌外賣或者堂食都可以多一個選擇～