佰好燒味茶餐廳 (已結業)

我住喺呢間餐廳附近，佢開業勁耐都未試過， 但每日朝早返工等巴士，都聞到勁香， 勁想試但又冇乜機會。有日見openrice 外賣自取有得平， 所以買咗個燒味飯試試，食過之後返唔到轉頭😂。 第一次食嗰次係佢嘅燒腩仔拼叉燒飯， 覺得佢啲叉燒同燒腩仔都超級好食， 叉燒好冧，一食就知係靚嘢； 燒腩仔好啱我因為我唔鍾意食肥， 燒腩仔啖啖肉， 啲皮又脆 認真有驚艷到。啱啱今日又嗌咗外賣叉燒 燒腩仔 燒鴨三拼飯， 拎到返屋企見到超大份， 完全係嘩咗一聲！勁滿足！ 水準繼續保持👍佢嘅嘢食quality真係好好，但好可惜冇乜人識呢間（地點問題？ 宣傳問題? Google map搵唔到呢間嘢，我先係呢到留食評）雖然有啲貴，但我食完真係覺得係值嘅！我平時係食開有運，但佢啲叉燒越來越乾，燒肉又有陣味，所以就更加速使我試咗呢間佰好。 好希望呢間嘢可以多啲生意， 因為真係feel到個燒味師傅係有心做燒味。