小神燈新派飯館 (已結業)

同女朋友是但搵間正評多嘅食下，晚飯時間唔使等位，兩位直入。坐低就擺低一碟小食，問都無問我哋要唔要，又無話講下碟嘢咩嚟，問返先知原來係$15 碟豬皮，我哋唔想食所以嗌佢拎返走。QR code 落單嗌咗一個皮脆脆皮豬手同一份甲羅燒拼蝦多士，再加個白飯，等咗廿分鐘內就上菜。兩道菜上枱都係勉強暖和，豬手皮係完全唔脆嘅，要啲牙力先咬得開，啲肉質就偏鞋。個蟹蓋就無乜大問題，只係無食到蟹味。蝦多士方面就棘手啲，一咬落去成啖油咇出嚟，撩咗隻蝦食就算數。最後盛惠$404，呢壇嘢當我輸比你openrice，啲人咁都比得落正評我真係頭都大埋。唯一唔係咁差嘅係服務態度。