鐵板一 (裝修中)

今日嚟到銅鑼灣嘅鋸扒西餐廳🍴其實店舖嘅裝飾幾靚，行呢個田園加叢林風，係一片綠葉入面有一隻隻嘅熊仔，裝飾有啲搞笑。但係cute 既🤣我12點到而家都冇食過嘢，特別肚餓。餐牌價錢唔貴，我哋叫咗好多嘢食。今日點左呢個煙三文魚凱撒沙律，肉眼扒，紐西蘭肉牛柳，最後小食方面叫咗個黑松露炸薯條。晚市有套餐，鋸扒加餐湯加沙律嘢飲都係$150樓下，超抵食。⭐️紐西蘭肉眼（$128）⭐️iPhone不嬲都測光差，加上綠色嘅光線，影出嚟嘅相又模糊，又難睇。 但其實實物賣相唔差，而且有幾好食。呢個肉眼扒好厚切，整體來講啲肉都算稔，同埋好香牛肉味，係高質靚扒。⭐️紐西蘭牛柳（$148）⭐️牛柳好抵食，大大塊，仲有成四舊，而且牛既香味都好濃。⭐️煙三文魚凱撒沙律⭐️煙三文魚好似唔係好新鮮，但係整體來講沙律爽口，麵包粒脆脆，算係唔錯幾好食。⭐️黑松露薯條（$60）⭐️尼碟覺得最唔抵食，啲薯條太稔唔夠脆。所謂嘅黑松露薯條，就係一碟黑松露將。但係整體來講，性價比都算高，食物高質，而且服務態度都唔錯。