くまちゃん温泉

趁住暑假帶小朋友出去玩，之後佢哋想試吓咁可愛嘅小熊火鍋。check左冇排隊App都算啦，唯有去到排隊。去到門口，個大叔話而家暫時未有位叫我哋留低電話，有位就call我地。出去商場行左一陣，個大叔打黎話30分鐘後有張枱，於是我哋滿心歡喜，行多陣就返去，點知，佢20分鐘後又打黎，又話冇位，要再等，可能再等30分鐘，我心諗，都係多半個鐘，而且啲细路又想食，所以我同佢講繼續等。跟住再去買左啲小食俾小朋友頂住肚餓。一路等到佢講嘅時間都冇電話，於是打去問，然後，佢話今晚full 曬冇位，叫我唔洗等。。。我XYZ，有冇攪錯呀，成家比你玩左成晚！！乜日本嘅餐廳係咁嘅服務嘅咩？完全比門口阿叔破壞晒一路以嚟對日本餐廳服務質素。我以後都唔會幫襯你。

香港而家已經好多人返大陸食飯，就係因為香港嘅餐廳唔係平，服務又唔係特別好。