進來吃

今日喺黃大仙朋友帶路下去咗進來吃食川味串燒，坐低發覺menu上串燒選擇好多，其實除串燒外仲有雞煲同埋炒粉麵都有。我哋今次就集中食串燒同烤貝類海鮮。今次叫左燒生蠔四隻、紐西蘭蟶子、扇貝、帶子同埋白鱔。生蠔好美味蠔味好出。扇貝就超爽口，帶子就好有鮮味。紐西蘭蟶子既爽口又有海洋嘅味道。貝類海鮮上都鋪滿蒜蓉及辣椒真係好惹味。白鱔就絕對值得推介，燒得恰到好處皮脆肉滑，而且內裏嘅魚肉真係好鮮味。 另外點咗燒牛柳粒、牛舌、雞串、魷魚鬚、雞全翼兩隻，仲有茄子。每樣肉類都燒得好細緻，表層都灑滿川味辣粉同埋醃料，所以份外有川味嘅感覺，特別重點推介係魷魚鬚及茄子。茄子索曬醬油嘅味道超好味，而本身茄子又大條而且新鮮，所以係川味燒烤必食之選。魷魚鬚就每條都好彈牙而且一d都冇過燶或乾。