三星台菜食堂 (奧海城2期) (已結業)

兩年前喺銅鑼灣食過三星，因為嗰日打風過後，印象特別深刻。對我地黎講，有冇名人加持唔係太重要，最緊要啱食。上次嘅感覺唔錯，見喺大角咀呢頭，不如回訪。而家佢地嘅分店愈開愈多，大角咀店鋪面非常小一邊靠窗嘅單邊高枱櫈，其餘為二人細枱，座位密麻，平日都幾多人，用餐限60分鐘，所以如果超過兩人，其實都幾難等位。(當日所見，8點半過後鬆動啲) 由店員播放自己喜歡嘅音樂，非常自由，不過喺豆潤咁細嘅鋪位，未免大聲左少少，啱聽冇所謂，唔啱聽就幾滋擾了。兩位店員各做各的，隔離枱舉手幾次要下單，都冇人留意到。餐牌比之前多左選擇，湯麵、拌麵、飯、刈包、滷味、小食等，而台式飲料則只限沙田、銅鑼灣店。飯麵價格合理，小食較貴。紅燒三星麵 $82/粗麵麻辣牛肉麵 $76/刀削麵麵底可選粗麵/刀削麵/冬粉；三星麵除有牛腱、牛筋、牛肚，牛肉麵則只有牛腱。湯頭以牛筒骨、中藥熬製，呈深色，味道算濃，而且冇死鹹。豆瓣醬調味，飲落微辣帶肉香，麻度較低，亦未見口乾。牛肉大大件，柔軟入味，唔會攝牙罅牛筋、牛肚正常水準，偏嚼勁型。麵條扁身 ，幾好咬口；個人認為粗麵比刀削麵好食比較難得細碎蔥花冇臭味，配埋自家酸菜，連鎖店黎計算幾啱我地口味