河內大娘越南餐廳 (已結業)

平時返工係呢邊，都冇留意到有一間越南野喺附近，上網搵吓， 原來遠在天邊近在眼前就有一間係我附近！呢度嘅環境裝修好有越南風格！十分之有特色！我最鍾意食佢嘅香茅大蜆，十分之鮮甜，第一次食蜆係落咗香茅，我諗呢啲就係地道嘅越南菜式！因為太耐冇食乳豬嘅關係，竟然見到越南餐廳有乳豬食，二話不說叫咗黎食啦！佢啲外皮真係冇得頂，超級香脆！鍾意食乳豬嘅你一定要叫！另外仲叫咗個牛肉卷，佢入邊啲牛肉真係好正好正好正，加埋啲菜食真係好開胃！最後就係甜品出場啦，呢個係焦糖布甸，超濃郁嘅蛋味，兩個人食剛剛好！