港麵子 (已結業)

屋企人去晒旅行，自己又唔得閒（懶）煮飯，但附近啲餐廳啲野都好濃味又多油，諗起之前食過一次呢間餐廳個雞煲，唔油啲雞又好滑，就決定去呢度食晚飯。去嗰日係星期四晚，可能餐廳新開，唔係好多人。餐廳坐位幾闊落，坐得幾舒服。待應有禮貌，但水要自己serve。叫咗一碗白飯，無油嘅生菜（佢有俾蠔油）同五隻餃子，埋單都係50蚊。雖然簡單，但呢餐就好似一餐家常便飯，令我好滿足，係唔錯嘅一餐。 埋單時要俾cash，無八達通。