影片
更多
2023-12-21
35 瀏覽
放假lunch想食川菜，揀咗好多人打卡嘅🌶️麻辣風雲🌶️。午市嘅客飯同小食特別抵食。仲有米線同埋花甲粉食𠻹！✨午市客飯-四川回鍋肉 $77✨鮮芒椰果玉露 +$18豆瓣醬嘅香味好重，炒得好惹味，不過完全唔辣。大大碟回鍋肉基本上七成都係五花腩，剩低係椰菜同埋五香豆乾。嗌午市客飯比起嗌小菜抵食得多，跟埋白飯仲有得優惠價加飲品！✨午市小鍋米線 $65麻辣-小辣、蘿蔔片、豚肉小窩米線有麻辣同酸辣兩款。雖然我哋揀咗麻辣-小辣，不過見到浮面嘅辣油就知呢度嘅小辣唔睇得小🤣。唔食得辣嘅👩🏻食到出晒汗，不過覺得米線撈埋肉碎好惹味。同埋幾鍾意佢哋用嘅係平時火鍋用嘅豬肉片，肉質幾嫩又唔會好肥。✨荔枝蝦球 $68本身都知道會有乾冰，但冇諗過會令到成張枱咁有仙氣🤣，好啱女仔打卡用。而且優惠價$68真係好抵食。出面嘅脆米好香口，蝦丸都幾彈牙。✨午市炸饅頭（4件） $36原來午市冇架船打卡，不過比起價錢平好多。饅頭外脆內軟，蘸埋大量煉奶真係好食到食唔停。✨椒鹽魷魚鬚 $138經典嘅酒樓椒鹽魷魚鬚！麵衣特別脆卜卜，魷魚夠彈牙，仲有唔少鹹香嘅避風塘料。✨酒釀丸子 $38糯米丸子口感黏黏糯糯，有淡淡嘅酒香同桂花香。暖暖地作為飯
放假lunch想食川菜，揀咗好多人打卡嘅🌶️麻辣風雲🌶️。午市嘅客飯同小食特別抵食。仲有米線同埋花甲粉食𠻹！
✨午市客飯-四川回鍋肉 $77
✨鮮芒椰果玉露 +$18
豆瓣醬嘅香味好重，炒得好惹味，不過完全唔辣。大大碟回鍋肉基本上七成都係五花腩，剩低係椰菜同埋五香豆乾。嗌午市客飯比起嗌小菜抵食得多，跟埋白飯仲有得優惠價加飲品！
✨午市小鍋米線 $65
麻辣-小辣、蘿蔔片、豚肉
小窩米線有麻辣同酸辣兩款。雖然我哋揀咗麻辣-小辣，不過見到浮面嘅辣油就知呢度嘅小辣唔睇得小🤣。唔食得辣嘅👩🏻食到出晒汗，不過覺得米線撈埋肉碎好惹味。同埋幾鍾意佢哋用嘅係平時火鍋用嘅豬肉片，肉質幾嫩又唔會好肥。
✨荔枝蝦球 $68
本身都知道會有乾冰，但冇諗過會令到成張枱咁有仙氣🤣，好啱女仔打卡用。而且優惠價$68真係好抵食。出面嘅脆米好香口，蝦丸都幾彈牙。
✨午市炸饅頭（4件） $36
原來午市冇架船打卡，不過比起價錢平好多。饅頭外脆內軟，蘸埋大量煉奶真係好食到食唔停。
✨椒鹽魷魚鬚 $138
經典嘅酒樓椒鹽魷魚鬚！麵衣特別脆卜卜，魷魚夠彈牙，仲有唔少鹹香嘅避風塘料。
✨酒釀丸子 $38
糯米丸子口感黏黏糯糯，有淡淡嘅酒香同桂花香。暖暖地作為飯後甜品好溫和。
張貼
