狂野麻神麻辣火鍋 (已結業)

今日去尖沙咀，陪女朋友行街。喺海港城行咗好耐，又掃咗啲貨之後，見肚餓就搵吓附近有咩嘢食。聽朋友講話麻神唔錯，就想去試吓。上到嚟環境唔錯，有噴霧消毒都放心。即刻睇吓Menu，喱度係用電話scan個code點餐，幾順。我哋分別叫咗一個一人一鍋午餐with皮蛋芫茜湯底，同一鍋酸菜魚米線。D鍋好快嚟到，望落唔錯，熱辣辣。酸菜魚啲肉唔錯，唔會太酸，齋飲湯都可以。另一方面，皮蛋芫荽都唔會太濃或者搶味，滾完啲料都唔錯。例如芝士丸係好食嘅。青口咬落到可以。個湯底當然相對清少少，但係啱女朋友。推薦相喺靜少少嘅環境打邊爐嘅朋友。離地鐵站唔遠。