粒粒果甜品 (已結業)

係旺角好熱，走去食甜品，順便抖下。紫色夢幻非常吸睛，畫花畫得好靚呀！紫色其實係由藍莓打成，玻璃杯仲有士多啤梨點啜。smoothie以藍莓、香蕉、鮮奶打成，個底係奇亞籽，都幾滑唔甜偏淡，如果生果落重d更好。龍珠星球配芒汁涼粉啫喱波波包住提子/火龍果，大約有5粒，幾有口感同清甜，仲有椰果、涼粉及生果添。水果星球配西瓜汁西米相對黎講比龍珠星球較淡，同樣有生果等。黑糖珍寶芋圓鮮草芋圓好大粒好可愛，煙靭，仲有紅豆、珍珠、仙草、西米添，用左黑糖做底，唔太甜但潤喉。