串酒里 (已結業)

早幾日男朋友突然話想飲啤酒食串燒，於是我就搵左呢間出名飲粗口手工啤酒既串燒店同男朋友啤啤佢喇! 呢度地方唔算大，最岩情侶同三五知己傾住計食串燒，估唔到呢間小小串燒店，都俾我地食到特別既野食!惹味懷舊燒魷魚鬚比較有特色既一味魷魚鬚，睇得出廚師好用心去整個醬汁，醬汁微辣好惹味，將魷魚鬚加埋木魚絲一齊食，味道一絕惹味汁燒豬仔髀火喉控制得岩岩好，令燒出黎既豬仔髀外脆內嫩，加上用惹味汁包住成隻豬仔髀，完全係夠晒味，送酒一流黑椒牛油洋蔥焗比目魚一上台，已經聞好香既黑椒同牛油味，令人流晒口水。一切開，魚肉依然嫩滑同唔會太乾，絕對值得一試黃金蒜蓉燒日本廣島蠔蒜蓉味適中，燒蠔既時間岩岩好，有適當既濕度，唔會太乾。黃金扭扭薯條用”黃金”既烹調方法去整薯條都係第一次見，咁就緊係要叫一客試下。外表同普通既扭扭薯條分別唔大，但一放落口，就有好香既咸蛋味，濃度適中而略帶甜味。蒜蓉燒原條茄子茄子燒得岩岩好，唔會太乾身，蒜蓉味適中，再加上木魚絲，令茄子帶有甜味自家制醬汁燒黑豚肉一放入口，已經有種黑豚肉既油香散發出黎，再咬一口，肉質好嫩滑，配上略帶甜味既自家制醬汁，果然係絕配一場黎到緊係要點呢度既手工啤酒啦手工啤酒 -