• 豬扒定蝦一樣咁好食，兩款炸物都大大件；
• 椰菜絲新鮮爽口，可無限任加；
• 醬汁配菜款式多，而且全部都同炸物好夾；
• 炸品水準高，外層鬆脆無油膱味，原全唔影響肉質之餘，豬扒同蝦肉保持原來口感；
• 枱面有三款醬汁：西柚汁、豬扒汁、紫菜汁，其中西柚同紫菜兩款汁係配椰菜絲食，勁好味。
• 芝麻加豬扒汁係配吉列豬扒食，芝麻需要自己落手壓碎，不過芝麻香唔突出。
• 跟餐麵豉湯，值得一讚係有粒花甲喺湯度。
• 兩份定食可按照要求放喺同一個碟。
• 炸物外層薄薄地，食落鬆脆，啱啱好。
• 炸蝦會有多三款醬：沙律醬、芥末醬、海鹽。個人比較推薦海鹽同沙律醬，海鹽增加鮮味，沙律醬增加口感；芥末醬就搶走咗蝦味。
• 巨峰提子特飲，不過不失，但食吉列定食又需要有一杯旁身喎。
• 最後仲每人送咗個消暑生果，夠甜又多汁。
🎎 店內環境偏柔和日系，坐得舒服。
💁🏻♀️ 店員服務友善，會耐心講邊款醬汁配邊款食物，而且會問埋走唔走飲筒、需唔需要將兩個定食合併放埋同一碟，值得一讚。
