山旮旯 (已結業)

又為儲飛行里數出事😢明明食牛舌，但口感同味道都好似食五歺肉😓羊架，中間完全係紅色生肉，其實佢一放低我用隻叉輕輕掂下已經知中間會好生，切開真係！退返俾佢再燒過，返黎就話換左另一舊俾我，結果又老又肥又細過之前嗰舊（冇影低）兼完全冇調味另叫扇貝結果整左青口，我當然唔要啦叫杯凍latte完全冇甜味，我問係唔係冇落糖漿，佢話佢地係唔落，如果我要可以俾我，之後俾左啲好似水嘅物體我，落左真係同水一樣，冇味再叫多一個好似全部人都會點嘅大蜆煲，味道一般，蜆唔再加熱又好似生左啲，再加熱一下又韌到死，配份蒜容包，食到成口油，見到隔離嘅炸薯條好似好樣好多，不過，算吧！都冇下次了