哥哥添飯•妹妹泡茶 (已結業)

呢間餐廳名字好特別，見佢又咁多正評，所以專登放工過黎試一下。餐廳地方唔大，但都坐得尚算舒服。雖然係一個台灣菜既餐廳，但其實除左傳統台菜，都有好多fusion選擇。我地今次叫左個破布子煎封比目魚配蟹肉菠菜圈。比目魚好滑，而且份量都算多，蟹肉好鮮甜，套餐配既餐前小食好豐富，有日式醃菜，櫻花蝦，好味又抵食。滷牛肉乾拌面既牛肉好冧，好入味。面條有少少冧，但配左佢特製醬油，都變得好好味。跟餐仲可以揀個滷肉青菜。大腸包小腸係迷仔版，一口一個，啱啱好。台式香腸就無得輸，配埋花生碎，滷肉，好有台式風味。飲品都好好味，呢杯係玉桂蘋果紫羅蘭，玉桂味好濃，蘋果味好清新，呢杯嘢唔會好甜，但非常好飲。