等位速度都好快，等左五分鐘到就有位啦！而店員係等位期間介紹申請會員就有兩張減$100既優惠卷使用！仲可以係隔離藍色小森林到影相！
坐低左發覺到餐廳既環境同餐具都好靚呀，我地點左炸蝦拌泡菜沙律醬$78作為小食，香蒜橄欖油辣蜆肉意粉$98，另外跟餐$12 是日雪糕。Happy Friday 當然點多兩杯cocktail relax一番分別係SO DIN $68 & Mystery Garden $88。
炸蝦一碟有6隻算係抵食，不過炸粉可能多左點減少左鮮味。而個意粉辣度同軟硬度適中！而雪糕就係雲尼拿配上脆脆，奶味加脆脆口感都幾好食！而兩杯cocktail 就影相一流，味道就so din 較為易入口同好味，另一杯就一般般啦！
雖然餐廳要加一不過用埋張減100優惠卷，兩個人埋單先二百幾實在化算！同埋餐廳既下午茶tea set 都好吸引，決定下次再來！
1
