花漾 (已結業)

花漾海南雞飯，油飯香油豐富，海南雞嫩滑。新加坡大蝦喇沙摻摻，大蝦彈牙，喇沙唔算好辣，椰香同花生味較突出，摻摻係米粉溝油麵，兩隻麵掛晒湯，非常惹味。恐龍蛋，冇晒拉茶味雪糕，所以兩粒恐龍蛋都係椰子味，伴住好多美祿波波食，好爽。椰子味香濃，份量大又實，搞到下次想試下拉茶味。斑蘭咖吔多士，超邪惡，牛油勁厚，多士超香脆，斑蘭咖吔甜甜地咁，好味。馬來蔥餅配咖喱，好鍾意個酥餅香脆鬆軟，咖喱汁好香但又唔會太辣，點下點下好滋味。餐飲跟凍青檸紅茶同凍香茅鮮橙茶，鮮橙茶好飲，非常香甜有真橙味，兩隻飲品都可解辣。餐廳既人超多，一枱接一枱，佢開係商場之中，所以地方非常舒適。