微辣大排檔 (已結業)

嚟到沙田見到呢間澳門網台公司開嘅大排檔，一於試吓。餐廳採用懷舊特色嘅裝修，幾個區域都設計咗唔同嘅主題，寬闊又坐得舒服，我哋坐咗去娛樂場所，牆身癡滿晒麻雀，賭枱加飲勝酒杯同大水煲😂菜式名有啲用咗公司幕前角色黎命名，但都有寫返係咩菜式，方便唔認識佢哋嘅客人。米酒雞🐓煲蓋係雞樣嘅造型幾特別，打開後會淋上點咗火嘅米酒，荷葉包住成隻雞非常大隻，餐廳有提供手套同鉸剪方便食用，雞肉好入味，肉質好淋，嫩滑多汁😋懷舊蟹膏蝦多士彈牙嘅蝦肉加上薄脆嘅多士，配搭蟹膏蟹子，特別又好食👍🏼發記大香腸成條吊起嘅大香腸，之後店員會幫忙剪開，黑椒味香脆可口🙆🏻‍♀️椒絲腐乳通菜香濃嘅腐乳味，份量都幾多