咖啡弄 (已結業)

相當年咖啡弄岩岩黎香港果時，排隊排到癲曬，排到落街。幾年後，而家風潮過左，唔洗再等幾個鐘，但夜晚都要響門口等十分鐘先入到。兩個人入到去坐中間大枱要搭枱。 佢地最每人一定要叫一杯野飲，其實就唔係好想飲野，係想食佢ｄ野，不過冇計啦，是旦嗌左一杯水果茶，一d都唔好飲，取消左呢個規則最好。叫左兩樣野，香蕉朱古力冰淇淋鬆餅同鴨胸沙律。兩樣野食份量都超大，好足料。以前ｄ人都係慕名黎食鬆餅，但我反而覺得鴨胸沙律更加出色！鴨胸沙律ｄ鴨胸食極都有，厚切而且好好味，唔太鹹，沙律個味開胃。香蕉朱古力鬆餅反而有ｄ失望，四大舊麵粉團，望到好飽，就算有ｄ雪糕響隔離，都覺得好干。