食美軒 (已結業)

媽咪是上海人，現在大閘蟹當道，當然要同媽咪食好嘢啦！在OpenRice睇到美食軒有金秋蟹宴二人套餐，毫不猶豫立即去試吓。套餐包括蟹粉小籠包兩個，酥炸蟹黃蓋兩份，雪理藏龍，蟹粉豆苗和臘味煲仔飯，剛好有優惠價$588全包。當侍應送上熱辣辣的蟹粉小籠包，食落有蟹膏嘅香味，亦都好Juicy。而蟹黃蓋內有蟹肉亦都非常香口，另外驚喜嘅係雪裡藏龍係嫩滑嘅蛋白藏有爽口嘅蝦仁，配上脆口嘅紫菜，真係唔錯嘅配搭。媽咪話最近啲菜類好貴竟然有大大碟嘅豆苗配上蟹粉，份量不少。值得一讃是侍應嘅細心，送上煲仔飯待1分鐘之後，為我們放醬油，同分一人一碗煲仔飯，臘味有齊潤腸丶臘腸丶臘肉和臘鴨四種，十分豐富。整體餐廳環境寬敞，侍應細心有禮，最緊要就係媽咪食得開心。