枇杷樹 (已結業)

呢間糖水舖附近有各式餐廳，食完附近一間法國餐廳之後就搵到呢間甜品舖。餐廳有兩層-太陽·芒(芒果雪糕、珍珠、椰果、爆珠、粟米片、可可米)$50雪花冰好綿，加上有五種配料，一次過滿足曬不同口感，珍珠煙韌度啱啱好，唔會過腍或因未煲熟而令珍珠中間好硬。另外，粟米片同可可米都好脆口，可想而知保存得好，冇受潮。-鮮雜果西米露$45鮮雜果有芒果、火龍果、菠蘿、西瓜，重有仙草，生果的確新鮮，唔係放咗好耐嘅感覺。西米露有椰香，唔會過甜。