點點心 (已搬遷) 新店位置

門口貼住張世界100食府poster, 講到咁威當然要黎見識下。菜苗餃，蝦餃同燒賣都唔錯。最好食係菜苗餃，皮有Ｄ厚，但料好足，都平衡返。蝦餃入面有成３隻蝦，好足料。　叉燒腸個腸粉皮都係偏厚，好多叉燒粒，但叉燒麻麻地，唔夠香。真係菠蘿包名副其實係菠蘿包。菠蘿包既外形，內有乾坤，有菠蘿肉既奶皇，真係估唔到，都幾特別。驚喜十足，味道就普通啦。外層菠蘿皮一Ｄ都唔鬆脆，腍到同包既質地一樣。奶皇既菠蘿味甜到有點假，麻麻。炸花枝餅好件，炸得好香口好脆，花枝都幾彈牙，唔錯。燒茄子都幾好，茄子上面有炸蝦餅，好香口，茄子個燒汁都幾好。松露小籠包好似好吸引，其實就係小籠包加左少少松露喺上面。排骨ＯＫ啦，同平時酒樓食到既質素差唔多，偏油膩。鮮竹卷都幾差，料好少，淨係得Ｄ好碎既菇同菜，同埋好油。整體都ＯＫ，所有點心都熱辣辣咁上，味道唔錯。但服務認真麻麻。