影片
更多
2009-05-30
10 瀏覽
補回復活節假時的食評: 放假突然興起... 搵個朋友仔食飯。而個朋友仔又約埋另一位友人出黎，變左三個人去食八王子拉麵館。 八王子拉麵: 見佢出名牛骨湯底，點都要試下。不過，我真係食唔慣呢種味道了。牛骨湯係濃，但濃得黎有種油溢味，同 D 拉麵唔係好夾。佢落左唔少芝蔴，令到碗拉麵變得香濃一點。而佢既配料充足，最欣賞佢既流心蛋，真係做得好好。除左上海老飯店外，呢度既流心蛋係我唯一令我滿意的食肆。 紫菜拉麵: 朋友揀左豬骨湯底.. 覺得佢既豬骨湯底比牛骨湯底好。(或者可以話係岩我口味) 豬骨味濃，同埋試得出佢係用唔少豬骨餚製而成，並非只靠落味精粉。而佢 D 紫菜好正，一半浸左落湯度，另一半仲係新鮮香脆。紫菜固然令湯麵的賣相更吸引，而當紫菜混合了豬骨湯後，兩者的味道同時得以提升。值得一讚。 激辣拉麵: 另一位朋友點的拉麵，試了一口湯底。食唔到辣既就建議唔好叫，因為都有相當程度既辣。佢做得好既係，唔會淨係得個辣字... 佢係偏向麻辣，但仍然會飲得出原先湯底的鮮味，唔錯的。不過，總括來說，上菜時拉麵唔夠熱。可能係本人既口味問題，覺得拉麵要熱辣辣先好食，唔夠熱的話，始終係爭少少。 鹽燒牛舌: 見有唔少
八王子拉麵: 見佢出名牛骨湯底，點都要試下。不過，我真係食唔慣呢種味道了。牛骨湯係濃，但濃得黎有種油溢味，同 D 拉麵唔係好夾。佢落左唔少芝蔴，令到碗拉麵變得香濃一點。而佢既配料充足，最欣賞佢既流心蛋，真係做得好好。除左上海老飯店外，呢度既流心蛋係我唯一令我滿意的食肆。
紫菜拉麵: 朋友揀左豬骨湯底.. 覺得佢既豬骨湯底比牛骨湯底好。(或者可以話係岩我口味) 豬骨味濃，同埋試得出佢係用唔少豬骨餚製而成，並非只靠落味精粉。而佢 D 紫菜好正，一半浸左落湯度，另一半仲係新鮮香脆。紫菜固然令湯麵的賣相更吸引，而當紫菜混合了豬骨湯後，兩者的味道同時得以提升。值得一讚。
激辣拉麵: 另一位朋友點的拉麵，試了一口湯底。食唔到辣既就建議唔好叫，因為都有相當程度既辣。佢做得好既係，唔會淨係得個辣字... 佢係偏向麻辣，但仍然會飲得出原先湯底的鮮味，唔錯的。
不過，總括來說，上菜時拉麵唔夠熱。可能係本人既口味問題，覺得拉麵要熱辣辣先好食，唔夠熱的話，始終係爭少少。
鹽燒牛舌: 見有唔少人點，應該係呢度既人氣小食。不過，覺得佢燒得乾左 D，同埋味道唔平均... 有 D 好咸，有 D 就好淡。水準唔夠統一，或者係醃料分配得唔平均之故？請負責人留意一下吧﹗
清酒: 另外再叫左支清酒。老實講，小妹唔係好識飲清酒的，只是喝了點應而已。同行友人說其清酒的味道唔夠香醇，只屬一般而已。
服務同環境都 OK，牆上的圖畫... 好特別，真係要細心觀察。
總括而言，水準 OK，但唔會吸引到我特登再由沙田走出去。sorry，因為係成個月之前去既，所以唔記得價錢了。
張貼
