Fiat Caffé

呢間野印象中美麗華翻新完已經係度，一路無咩話特別想試。食真心覺得唔錯，但真係唔知點解無咩人，成個鐘得三枱客，可能門口有少少隱閉。

食物不錯，服務不錯，價錢正常。好處係一點都唔覺得自己係尖沙咀迫 美麗華呢層無咩人 好似旺區的一片綠洲咁 。好適合二人靜靜地傾下計咁。

呢餐叫咗burger 同黑松露手搓意粉。手搓粉食落幾得意 重點係個汁唔係忌廉湯而係用鮮忌廉 無咁滯住易入口好多。跟burger個薯條食落似我最愛的薯餅，所以我好受。burger有肉汁但就用蒜蓉包幾特別 味道都不錯。

好開心walkin搵到呢間野，推介俾大家。