小皇府 (惠安苑) (已結業)

1早就去飲茶，2個人叫左5個點心， 飽住肚走，好彩冇叫6個。叉燒菠蘿包真係有菠蘿係里面， 但菠蘿唔係太夾味， 個包皮係鬆化， 但此終係茶記既好食。脆皮蝦腸里面唔係春卷皮，似係網紋脆皮。d蝦夠大隻但略咸， 1條切左9件， 淨係食lee個都飽晒。灌湯餃好多料， 大大隻，如果個湯再清淡少少就會正。燒賣普普通通帶子魔鬼魚餃，唔太食得出有帶子， 感覺同蝦餃差唔多， 不過Lee d 係食賣相多d。d侍應姐姐太忙， 想要辣椒油都好難但姐姐係好好好禮貌走個下都同我地講byebye。仲有如果大家去記得問早市套餐餐既餐牌， 因為收埋晒， 供應由8am to 11am, 星期日都有， 40蚊有2款點心。