神戶屋日韓放題

營業中

休息中

我哋成班中學同學最鍾意就係去食日式放題㗎喇 ，貪佢平平哋又可以坐耐啲吹下水, 同埋食物夠豐富種類多樣。今次我哋揀咗旺角兆萬中心8樓嘅呢間神戶屋。我首先嗌咗個刺身拼盤 ，三文魚刺身 。三文魚係厚切嘅，最新鮮嘅就係珍寶帶子刺身呀， 另外佢嘅天使蝦刺身都好甜美， 大家嚟食嘅時候記得要點呢幾樣呀。    食天婦羅家梗係要要飲啤酒㗎喇，佢嘅啤酒都有象啤、大麥啤酒任飲！ 另外佢有兩個大大嘅飲品雪櫃嗰度都有好多甜嘅飲品。小炒菜式都好豐富，我哋嗌咗鐵板一口和牛粒，佢配合咗三色椒一齊炒，仲用咗好多香料一齊炒，味道層次都好豐富，好食到停唔到口。佢哋嘅清酒煮蜆都好好味，細細碗配合海帶一齊煮好惹味。我最鍾意食嘅就係大阪牛乳伯爵茶雪糕同埋Skippy朱古力脆皮雪條。下次有機會都會同同學仔一齊過嚟再食呀。