The Point (已結業)

約左兩個好耐無見既朋友係cwb食飯，揀左呢到。位置好方便又易搵。我8點多到，餐廳唔滿，睇黎平時都唔洗點等位。我地坐張4人台，地方算闊落。我地3個人叫左4樣嘢：一個salad, 一個意粉，一個pizza, 一個雞槌。4樣我都覺得幾好食，自己最鍾意係個pizza同雞槌。Pizza 係一個素pizza，有黑松露, garlic, 菇，薯仔，火箭菜. 個味好香好濃，但個皮我覺得太chewy.雞槌d肉好滑，炸得啱啱好，個皮好脆，味道都好，好食。Pasta 都好，只係我鍾意個粉淋多小小，但佢都係ok既。最鍾意個上面隻蛋。整爛隻蛋撈埋d蛋漿落個意粉到幾正。Salad 都ok。自己比較鍾意食火箭菜所以都唔介意成碟都係，但有朋友可能想要其他配搭就可能要揀第二款比較適合。Overall, 食物ok, 味道都係比較濃。服務方面ok, 非常正常，落單，加水，埋單都有反應，合理時間完成。價錢方面算唔錯，特別係呢區，3個人食左$540到。不過我地無叫嘢飲，淨係飲水。