韓食家

朋友話想食韓式，所以就黎左依間試下啦。原本見到完全唔駛等位，好多空位，以為會幾伏，但係無諗過食物質素又ok喎。我叫左一個雜錦海鮮年糕麵，海鮮有八爪魚、蝦、青口、蜆，雖然都唔係貴價野，但係味道都唔錯。年糕煙煙軔軔口感唔錯，同湯麵搭配既味道幾好。所謂既韓式湯麵其實就係辛辣麵，雖然係類似即食麵既野，但係坦白講，麵質比起唔少日式韓式餐廳好，而且個湯底應該有加其他野，比起原本辛辣麵剩係得辣味多左鮮甜同咸味，相當唔錯。不過不得不提，店員既服務態度麻麻，就算得好少人都叫好耐先過黎，不太能接受。