越一越南牛肉粉專門店 (已結業)

荃灣越來越多人, 所以食肆又特別多, 之前搭車經過知道開左新越南野, 今晚放工無野搞, 順路過黎食下先.環境好光猛, 坐位唔算太迫, 感覺清新舒服.口淡淡想食濃味野, 要左個沙嗲雞絲湯河, 沙嗲味好香濃, 飲一下湯唔會太搶口, 唔錯.河粉夠滑溜爽口, 唔會太稔或黏埋一舊舊. 雞絲肉都好多, 唔會太乾.春卷好脆口, 即炸熱辣辣, 唔會好油膩. 個餡有肉同紅蘿蔔絲, 份量配搭剛好, 食落嫩得黎爽口, 唔會太飽濟.夏天真係好鍾意飲生果冰, 要左個原個菠蘿冰, 夠晒大, 面頭好多菠蘿肉, 唔太酸, 底部係沙冰狀, 夠凍唔會太甜, 好解喝.一路食都好多唔同年紀既人幫趁, 可能價錢平又坐得舒服, 感覺唔錯.