莆田 (美麗華廣場2期) (已結業)

約左舊同學出黎食飯，平時返工大家各有各忙，想見面都好難夾，早排終於有時間見下面，佢在尖沙咀返工，就佢在哩區食，不過食邊間就由佢話事，之後帶左我去間米芝蓮一星餐廳，有張海佈寫住”十大必食”，朋友推薦左幾款係好好味，必食的。場內環境都幾闊，座位唔會好迫，一坐低拎左碟餐前小食豆豆，而且侍應好好幫我地勘埋茶。第一道菜擺設得好似成道法國菜咁靚既，係紫菜黎，食落酸味味好開胃，哩個堅好食。同埋芋頭，面頭有少少甜味。莆田滷麵，麵係幼身，湯底唔會太鹹調較得岩岩好，蝦球亦好大隻，好足料。黃花魚，我自己少食魚，朋友鐘意食，佢話好正，成條清晒。仲有叫個紅菇燉雞，最正係啖湯，入晒雞味，當湯飲左兩碗，雞肉好腍易咬。兩個食完已經飽飽，老同學冇介紹錯。