九龍香格里拉大酒店大堂酒廊

營業中

休息中

25/1 2:00pm 唔知係咪訂位既關係我地有得坐玻璃窗位, 可以望到星光大道, 個景真係唔錯, 又有人喺到演奏, 環境好舒服, 至於食物方面, 種類唔算太多, 可能此終係下午茶啦, 有點心類(燒賣,蝦餃, 牛肉), 燒骨, 炒麵, 春卷, 叉燒酥, 冷盤類(青口, 蟹拑, 三文魚茄子, 同埋有啲一少碟既野食), 粥類, 甜品類(杏仁茶, 不同款式既小cake, 泡夫, 西米糕, 呢到最出名既心太軟, 梳乎里, 朱古力火鍋等) 當然仲有生果類(火龍果, 菠蘿, 蜜瓜, 西瓜)飲品方面, 有冷有熱, 冷飲(果汁類可自己再加生果落杯飲品到), 熱飲(奶茶,咖啡, 檸茶, 檸水) 鍾意飲乜有個女侍應會幫你調教埋添!大致上野食都唔錯家啦, $188再加一, 如果有匯豐或恒生白金卡仲會有85折添!埋單$528