七月烤魚 (已結業)

七月烤魚琴晚同朋友去將軍澳食呢間餐廳，見幾多人食就去試下先！呢間餐廳入面好大，好方便輪椅人士入去食，依晚係平日已經有8成滿。餐廳除咗食烤魚，仲有提供麻辣香鍋同串燒等，種類都幾多！1.絕品烤魚-海鱸魚（藤椒青椒口味,小辣）$248+$20（拼重慶香辣口味）（8/10）呢條海鱸魚肉質嫰滑，好新鮮！配搭藤椒青椒口味+重慶香辣口味令湯底非常香辣濃郁，少少辣又唔會勁流鼻水，辣度啱啱好！2.火鍋配料：鴨血片、午餐肉、高筍片、百葉結-每碟$17（8/10）食完鱸魚個鍋可以拎嚟打邊爐，但個鍋太淺啦，煮午餐肉變咗煎午餐肉，突然變得好脆口！🤣🤣🤣4樣配料份量勁多，午餐肉大約有7舊，鴨血片大約有7舊，百葉結大約有5舊，食剩好多最後都要打包返屋企！3. 烤生蠔（蒜蓉 小辣）$75（9/10）超飽滿大粒生蠔，配上蒜蓉小小辣勁惹味，必食推介！👍👍👍4.烤羊肉串$32+26（7/10）羊肉唔羶，但太瘦令到肉質有少少韌！5. 草莓番石榴乳酸梳打$42（8/10）6. 芒果乳酸茉莉綠茶$38（8/10）2人總共價錢$604，有加一服務費！個人口味總評分：8/10地址：將軍澳貿業路8號新都城中心2期1樓1086-90A號