駟馬拖車潮州飯店 (東九匯)

營業中

休息中

今日去開牛頭角做嘢，順道係個邊食晚飯。上網搵到間食潮州嘢嘅，見好耐冇食，就上去一試啦。🥬酸菜 $16好好食，爽口，酸酸甜甜好醒胃🦢滷水鵝四併盤 $148有鵝片，紅腸，雞腎，五花腩，兩隻雞蛋。鵝肉滲岀滷水香料味，但不會搶了鵝肉嘅鮮味，雞腎爽口唔會太硬，五花腩半肥瘦而帶點爽口，食落甘香唔油膩，紅腸正常發揮，下面仲有軟綿豆腐，索晒個滷水汁，唔錯！🦪蠔仔烙 $92食潮州嘢一定要叫番個蠔餅。炸蠔餅個賣相好似pizza🍕咁，炸至色澤金黃，唔會好似岀面炸到咁深色就燶咁，咬落酥脆可口，餅底有一啲煙韌嘅口感，仲見到一粒粒嘅蠔仔肉，蘸上魚露，味道酸酸地 ，愈食愈滋味🥰🍜潮式糖醋麵 $98係潮州嘅傳統美食，呢個唔係脆卜卜嘅炸麵，而係將烚淋咗嘅橙黃色蛋麵餅煎至金黃香脆，今次呢款就跟返傳統做法只煎香麵餅嘅單面，食起上黎個口感外脆內軟，按喜好灑上黑醋同砂糖，酸酸甜甜，唔錯，食完個麵之後勁飽，😹，再食唔落其他嘢，本身想試埋個甜品都要放棄。