沙嗲王 (錦薈坊)

營業中

休息中

上次試過午餐，覺得唔錯幾好食，上菜速度好快。今次晚餐等左兩張枱就入得。今晚想食飯就叫返白咖哩豬扒飯，一如既往咁好食男朋友叫左鐵板巨髀配炸薯條個雞髀肉整到啱啱好，唔錯好大舊好juice。今日個春卷有特價，我見好多枱都有叫到。炸得好靚，點埋醬用生菜包住食好正。避風塘軟殼蟹一般普普通通，勝在多炸蒜。Join 埋會員有好多優惠，定期有小食特價都好吸引。下次諗唔到食咩都會再嚟試下其他小食。呢間店座位麻麻，好迫，叫多個小食就好狼狽。