影片
更多
2020-07-28
129 瀏覽
Instagram : foodrecipe.life 今次試呢間台灣餐廳係喺台北師大夜市滷味專門店開過嚟嘅🙆♀️餐廳環境好有台灣特色,坐得都幾舒服。今次試咗佢哋嘅午市套餐,加12蚊可以試到佢哋嘅小食, 飲品都可以用優惠價加配💕~ 香脆地瓜條🍠(+12)一嚟到熱辣辣新鮮炸起， 外脆內軟旁邊有啲特別調配過嘅鹽， 點埋啲鹽食更加可以提升到本身地瓜嘅香味。味道:8/10~ 麵底-🤴王子麵(+2)台灣出品嘅一種即食麵, 配埋滷味汁食都幾索汁, 麵質都唔會太淋,未試過王子麵嘅朋友不妨一試🙆♀️味道:7/10-冬粉 其實冬粉即係粉絲, 冬粉超級索汁,每一啖都掛到好多鹵水汁💕 而且份量都足夠味道:8/10~ 配料整體配料嘅份量正常唔會特別多或少, 全部滷味都好入味- 🦆鴨腎唔會滷得太耐淋曬仍然保持到爽口嘅口感-🐖👂 豬耳豬耳鹵得啱啱好,唔會太硬又唔會太淋,非常爽脆,份量又足夠味道:7/10-🐖 豬腸豬腸清潔得好乾淨完全冇臭味, 口感都係非常好唔會咬唔開但係有咬口味道:7/10- 🍄杏鮑菇杏鮑菇就冇咩特別,就係好似平時一個杏鮑菇整熟咗味道:5/10- 🍢香菇貢丸貢丸一開二, 味道好香,口感都幾彈牙,唔
今次試呢間台灣餐廳係喺台北師大夜市滷味專門店開過嚟嘅🙆♀️
餐廳環境好有台灣特色,坐得都幾舒服。
今次試咗佢哋嘅午市套餐,加12蚊可以試到佢哋嘅小食, 飲品都可以用優惠價加配💕
~ 香脆地瓜條🍠(+12)
一嚟到熱辣辣新鮮炸起， 外脆內軟旁邊有啲特別調配過嘅鹽， 點埋啲鹽食更加可以提升到本身地瓜嘅香味。
味道:8/10
~ 麵底
-🤴王子麵(+2)
台灣出品嘅一種即食麵, 配埋滷味汁食都幾索汁, 麵質都唔會太淋,未試過王子麵嘅朋友不妨一試🙆♀️
味道:7/10
-冬粉
其實冬粉即係粉絲, 冬粉超級索汁,每一啖都掛到好多鹵水汁💕 而且份量都足夠
味道:8/10
~ 配料
整體配料嘅份量正常唔會特別多或少, 全部滷味都好入味
- 🦆鴨腎
唔會滷得太耐淋曬仍然保持到爽口嘅口感
-🐖👂 豬耳
豬耳鹵得啱啱好,唔會太硬又唔會太淋,非常爽脆,份量又足夠
味道:7/10
-🐖 豬腸
豬腸清潔得好乾淨完全冇臭味, 口感都係非常好唔會咬唔開但係有咬口
味道:7/10
- 🍄杏鮑菇
杏鮑菇就冇咩特別,就係好似平時一個杏鮑菇整熟咗
味道:5/10
- 🍢香菇貢丸
貢丸一開二, 味道好香,口感都幾彈牙,唔會煮咗好耐淋曬嗰啲, 食得出比起平時街買嗰啲貢丸濃郁，值得一試😋
味道:9/10
-🐖 豬腱肉
豬腱肉味道都幾好味,但係有少少鞋, 冇咩特別
味道:5/10
-🦆💉 鴨血
正常普通鴨血,但係唔係幾多地方可以食到,鍾意食嘅朋友都可以嗌嚟試下
味道:7/10
- 大豆皮
有少少似響鈴,但係唔會食落去有陣油益味,同埋唔會食落去好肥膩, 而且超級索汁 陪鹵水汁一流
味道:8/10
~飲品
🥛☕黑糖珍珠奶茶(+18)
我嗌咗半糖, 所以奶茶嘅味道唔會太甜, 但係本身黑糖珍珠嘅味道都係比較甜所以夾埋我覺得味道啱啱好。 整體飲落去 都飲到黑糖味，但係黑糖味比起平時出去飲嗰啲手搖店淡。 奶茶嘅味道正常, 珍珠嘅口感非常煙韌唔會煮得太耐, 如果以加18蚊嚟講都幾抵飲。
味道:7.5/10
⭐整體嚟講食物都算幾好食,而且價錢唔貴值得一試
整體味道:7.5/10
性價比:8/10
張貼
