影片
更多
2008-05-15
8 瀏覽
13號果日同老公周年紀念, 去左食dinner buffet.去到個場唔算坐得舒服, 可能多人, 所以都幾迫下, 好在唔算太吵.食物方面:湯: 我冇飲個西湯, 中湯係木爪湯, 好甜, 夠熱, 好好味刺身: 有三文魚, 赤貝, 北寄貝...仲有幾款不過唔記得左, 味兒一般, 壽司方面都好少選擇, 不過都預左, 要食好既日本野不如去日本餐館食熱盤: 有燒牛肉, 有肉味, 幾林; 花膠夠熱, 仲好大隻, 都幾入味; 老公食左羊架, 唔太蘇, 平時我唔食都覺得唔錯, 不過出得太遲, 食到8:30p.m.先出; 海南雞味道都ok, 算滑, 仲有和牛, 好有肉味, 好好食, 但我個人覺得咸左少少; 四季豆可以不吃, 太硬, 焗薯仔好入味, 但入味過頭食多幾件都覺咸; 咖喱雞好味, 老公少食雞都覺得幾林同好入味, 記得要連埋個薄餅一齊食, 好夾味, 而泰式炒蟹我真係覺得好正, 大隻, 多肉, 最重要係勁辣, 連我老公食得辣都話好辣. 燒銀雪魚扒好正, 不過好早出左之後就冇再出, 取而代之係燒三文魚扒, 但都好好味, 夠熱同魚皮煎得香口冷盤: 有凍蟹, 蝦, 長腳蟹, 龍蝦, 生蠔, 螺, 青口, 我
去到個場唔算坐得舒服, 可能多人, 所以都幾迫下, 好在唔算太吵.
食物方面:
湯: 我冇飲個西湯, 中湯係木爪湯, 好甜, 夠熱, 好好味
刺身: 有三文魚, 赤貝, 北寄貝...仲有幾款不過唔記得左, 味兒一般, 壽司方面都好少選擇, 不過都預左, 要食好既日本野不如去日本餐館食
熱盤: 有燒牛肉, 有肉味, 幾林; 花膠夠熱, 仲好大隻, 都幾入味; 老公食左羊架, 唔太蘇, 平時我唔食都覺得唔錯, 不過出得太遲, 食到8:30p.m.先出; 海南雞味道都ok, 算滑, 仲有和牛, 好有肉味, 好好食, 但我個人覺得咸左少少; 四季豆可以不吃, 太硬, 焗薯仔好入味, 但入味過頭食多幾件都覺咸; 咖喱雞好味, 老公少食雞都覺得幾林同好入味, 記得要連埋個薄餅一齊食, 好夾味, 而泰式炒蟹我真係覺得好正, 大隻, 多肉, 最重要係勁辣, 連我老公食得辣都話好辣. 燒銀雪魚扒好正, 不過好早出左之後就冇再出, 取而代之係燒三文魚扒, 但都好好味, 夠熱同魚皮煎得香口
冷盤: 有凍蟹, 蝦, 長腳蟹, 龍蝦, 生蠔, 螺, 青口, 我樣樣都食晒, 凍蟹味道一般, 蝦就幾鮮甜, 龍蝦好大隻仲有膏, 肉質唔錯, 生蠔係細隻左d, 但都幾好味同冇沙, 螺好爽口, 好難得有間buffet有好多選擇而且味道唔錯. d staff refill得好快, 見人多冇晒就係咁refill, 難一係有個食客太冇禮貌, 見冇鉗夾野食就用手, 點知見到有refill仲放返原先佢手上果隻落個冷盤到, 搞到我之後都唔敢再食...咁唔衛生
甜品: 好多款, 但真係好飽, 我已經食唔落啦, 款式一如其他食客所介紹, 不過係冇我最想食既朱古力噴泉...
總結來說食物不錯, 只可惜眼闊肚窄, 我見隔離檯好多人密密係咁食海鮮同甜品, 呢方面我真係唔夠佢地黎...
以$375 + 10%價錢, 係貴, 但都值得既, staff服務都幾好, 收野又快手, 只係企o係counter 既staff冇笑容, 令我每次行去拎野食時都見到佢地個苦口苦面樣唔多開胃...
張貼