影片
更多
2010-05-15
12 瀏覽
晚飯時間經過見到,家人想試試,於是就算見到店外等既人"群情洶湧", 都唯有等 ( 同旁邊間鐵板200 差得遠, 鐵板200冇咩客......) 等左一個鐘, 號碼去得好慢, 而且唔係完全順NO. 叫 (因為人數不同關係), 所以只可以偷睇佢本簿仲有幾多個"4人"NO.先到我地, 簡直係耐力大考驗, 係本來已經好想放棄既時候先有位。 我地叫左一個廣島蠔鍋餐+ 鰻魚飯餐(名係咁上下啦~ 太長, 唔記得......), 再加一個有烏冬有炸物既餐和8串串燒雜錦。 有烏冬有炸物既餐先黎, 正正常常, 幾好味, 湯好鮮甜, 但又真係頗甜...... 再黎廣島蠔鍋餐, 一大鍋有爐滾住, 雖然湯一樣偏甜，但有烏冬, 有白飯, 有少少魚生, 仲有六隻蠔, 熱辣辣食，好正~ (推介) 8串串燒雜錦有雞翼、鴨舌、肥牛卷露筍、帶子等等, 普普通通, 隻雞翼一邊燒得好燶, 食唔到...... 四十分鐘以後, 我地已經食哂上面所講既野, 但個鰻魚飯餐仍然未黎,
等左一個鐘, 號碼去得好慢, 而且唔係完全順NO. 叫 (因為人數不同關係), 所以只可以偷睇佢本簿仲有幾多個"4人"NO.先到我地, 簡直係耐力大考驗, 係本來已經好想放棄既時候先有位。
我地叫左一個廣島蠔鍋餐+ 鰻魚飯餐(名係咁上下啦~ 太長, 唔記得......), 再加一個有烏冬有炸物既餐和8串串燒雜錦。
有烏冬有炸物既餐先黎, 正正常常, 幾好味, 湯好鮮甜, 但又真係頗甜......
再黎廣島蠔鍋餐, 一大鍋有爐滾住, 雖然湯一樣偏甜，但有烏冬, 有白飯, 有少少魚生, 仲有六隻蠔, 熱辣辣食，好正~ (推介)
8串串燒雜錦有雞翼、鴨舌、肥牛卷露筍、帶子等等, 普普通通, 隻雞翼一邊燒得好燶, 食唔到......
四十分鐘以後, 我地已經食哂上面所講既野, 但個鰻魚飯餐仍然未黎, 搵個貌似經理的問問, 佢隨口答"我跟跟......", 但之後十五分鐘都沒有動靜, 正想叫佢漏單就CANCEL時又黎左, 於是食埋佢。但估唔到正正係呢個餐成為整晚最大敗筆...... 鰻魚飯一桶上, 嚇左我地一大跳，但原來飯只有薄薄3/4寸左右(咁做咩要一桶上扮好多?),餐牌上的圖鰻魚舖滿飯面見唔到飯, 真實只有可憐的五六小塊...... 除鰻魚飯外, 仲有一小茶壺既室溫水, 一小碟魚生, 一碗蒸蛋,一碗麵豉湯同一碗WASABI 同幾條紫菜, 嗰碗WASABI 同幾條紫菜同壺水應該係泡飯用, 因為餐牌上有寫可變成泡飯, 但壺水又唔熱, 飯又唔熱冇飯焦, 所以我唔敢沖D水落去, 因為覺得咁搞法會變凍既餿水......最後就咁食左個唔太好食既鰻魚飯同一碗偏鹹既蒸蛋......
廣島蠔鍋餐同鰻魚飯餐都係一百大元左右, 點解差咁遠? 廣島蠔鍋餐值票價好多。鰻魚飯餐完全唔值一百大元，我係見到佢普通鰻魚飯都七十蚊先叫餐, 點知超級唔值......
總括係可以試下, 雖然食物性價比唔高。如果要等好耐, 就都係算啦~ 唔值~
張貼